76歲的「扮嘢能手」羅浩楷（楷哥）雖受柏金遜症所困需以輪椅代步，但中秋前夕仍堅持走訪兩間安老院，為臥病的73歲「靚聲王」張偉文及81歲「老頑童」秦煌送上佳節溫暖。見證老友因病纏身日漸消瘦，楷哥哽咽呼籲社會關注年老藝人處境。
羅浩楷受柏金遜症折磨
羅浩楷2016年因椎間盤突出導致嚴重駝背，近年更受柏金遜症折磨活動能力大減，需以輪椅代步。然而中秋前夕，他在《星島頭條》策劃，老友鄧英敏（敏哥）協助下，聯同方俊、方麗盈、區偉麟組成送暖隊伍，方俊更出錢出力，自備應節水果、月餅及利是送給3位老人家。
相關閱讀：75歲羅浩楷終現真身 外貌不敵歲月出現重大轉變 更換電動輪椅密謀做一事
張偉文驚見「皮包骨雞爪手」
首站來到太子一間護老院探訪張偉文，偉文歷經腰患、糖尿病、失智症及壓瘡折磨，體重驟降至110磅。見他面容凹陷、咬手指時驚見「皮包骨雞爪手」，探訪時他情緒不穩，不時扭計大叫，楷哥強忍心酸幽默解圍：「佢喺度『呀呀聲』練緊聲，大家有機會上嚟跟佢練下喇！」楷哥並封利是讓偉文買汽水。方俊透露張偉文腰部壓瘡感染問題已轉穩定；方麗盈解釋老人院要嚴控食物才變瘦。楷哥自揭身體狀況不比偉文樂觀：「柏金遜症令我肌肉僵硬手震，𠵱家坐一個小時都唔得，出外食飯傾偈最多消費一個小時，跟住就要返去叉電。」楷哥形容現時靠手機做「生活飯煲」(睇股價)來照顧下半世。被敏哥形容「股神」的他坦言日日有斬獲：「最勁兩日贏8萬蚊！」
鄧英敏望設傷殘藝人協會
楷哥大讚今次活動有意思，呼籲大家要多照顧年老演藝人，看着偉文處境，他不禁悲從中來哽咽道：「我哋年輕時做好多慈善騷，點解社會冇對我哋做返啲嘢？連打枝針都要三萬蚊，基層點負擔？」他更激動哭訴偉文處境：「一個人住護老院好寂寞，我曾經都日日冇人傾偈，要關心多啲先會好！」鄧英敏感歎資深藝人付出良多，提議成立傷殘藝人協會，楷哥即承諾出錢贊助，敏哥拍心口說：「有星島集團支援，做乜都得！」眾人興起合唱《相識也是緣份》。
秦煌雙腳發黑腫脹着不到鞋
及後轉往土瓜灣探訪秦煌時，場景變得歡樂。雖然煌哥因心臟問題引發雙腳發黑兼腫脹無法穿鞋，卻精神奕奕地與楷哥雙手緊握，久久不願分開，楷哥真情流露說：「我唔係講笑真係好掛住你！」煌哥笑瞇瞇回應：「見到你都開心啦，你都OK講嘢都大聲！」鄧英敏在旁讚歎八旬「老頑童」反應敏捷，楷哥更形容老友如「周百通」般紅粉緋緋。這對相識半世紀的老戲骨，原來有段深刻炒股往事。煌哥當年曾勸楷哥勿涉足股海，惟獨楷哥未聽勸告輸掉數百萬，從此發奮鑽研，如今被敏哥封為「股神」，秦煌也曾是短炒王，但因壓力大金盆洗手，更讚楷哥：「佢叻過我。」煌哥在老人院雖然唔寂寞，都希望大家多啲關心長者。區偉麟叮囑：「要多啲同佢哋傾下偈飲下午茶。」之後楷哥更參觀煌哥的「頭等房」。曾經講過放棄治療的楷哥，送暖後坦言：「個人係鬆啲及開心啲嘅，只要有日開心就做一日開心，樂觀面對人生。」
相關閱讀：73歲「靚聲王」張偉文驚傳入ICU 細菌入血暴瘦20磅 醫生束手無策丨獨家
