冷糕是香港傳統街頭小食，又稱砂糖夾餅、曼煎粿等，惟至近年已經買少見少，只剩下少數食店有售。其中，一間位於紅磡德民街、主打傳統冷糕的小食店近日傳出將於11月結業，不少港人感嘆「又少一間香港人回憶既地道小食」。不過，有部分網民們對結業消息竟一致叫好，過往亦曾遭食客力數4點批評，認為味道不如預期，即看下文了解詳情。
紅磡僅存冷糕店傳11月結業！
冷糕其實是將發酵的粉漿煎成帶脆邊的厚圓煎糕，中間包裹花生碎、白砂糖等餡料，是不少人的童年回憶。現在香港只有數家小檔仍有售賣，其中一間便是位於紅磡德民街的小食店「麒麟正宗傳統小食」，當初曾引來大批網民慕名前往一試，重新感受童年味道。不過，近日有網民於Threads發文，指小食店將於11月20日結業，呼籲想食要盡早光顧，並感嘆「又少一間香港人回憶既地道小食」。
網民竟一致叫好？過去曾遭食客力數4點批評
帖文引起網民熱議，惟大部分網民對於結業傳聞不覺可惜，有網民留言指店舖衛生情況不佳，「手套都唔帶喎，上次仲見佢係舖頭食緊煙」、「食過，麻麻地，同埋間嘢嘅衛生唔太好。」也有網民對味道感到失望，「知道有冷糕賣，好開心，特登去買，點知食咗一啖，即刻掉咗佢，希望愈大，失望愈大，超級難食！」
翻查資料，這間小食店自今年2月開始售賣冷糕，當時吸引大批網民光顧，惟有食客在品嘗過後力數4點批評，直言味道不似預期，「由內至外都係淋！內裏好似未熟咁！外殼一啲都唔脆！餡料一啲花生芝麻香都沒有！」
延伸閱讀：紅磡再現傳統冷糕！港人慕名幫襯 事隔20年再嘗失望力數4點：兒時回憶已成追憶！
麒麟正宗傳統小食
- 地點：紅磡黃埔新村德民街31號地下C1號舖
- 營業時間：星期一至日 12:00 – 19:30
圖片及資料來源：Threads、Facebook@童年回憶 總是係美好
文：Y
