滕麗名早於2013年6月接受圈外男友朱建崑（Matthew）求婚，滕麗名與朱建崑在2013年12月7日正式結束愛情長跑，於泰國蘇梅島沙灘上舉行婚禮成為夫婦。滕麗名老公朱建崑任職日資公司香港總監，近日有一名網民自稱是朱建崑下屬，並以匿名身份點名狂轟朱建崑「無良」管理，稱朱要員工日間工作夜晚training，變相逼人OT。
網民點名鬧：呢份工我唔做就梗！
近日有網民以網名「i_hate_ot」在Threads發文說：「Canon香港總監朱建崑（Matthew Chu），滕麗名老公。Canon本身返工時間已經夠早，要8:30打卡。你以為夠早可以準時收工？ 朱生話唔想「浪費」員工日間工作時間，搞咗晚間 收工後training，必須出席。明逼你OT，仲要無補水。training完之後佢仲話：「日後會再加多啲夜晚training」，仲話要發問卷問大家有冇人「真係」唔鍾意夜晚training。要人打份寫字樓工射足12碼。Canon文化培養社畜。你哋嘅「唔浪費時間」，根本係浪費緊員工嘅生活、健康、家庭。打工唔係賣命呀！呢份工我唔做就梗架啦，但唔做都要揭露你地係點壓榨員工。」
相關閱讀：47歲滕麗名罕放閃賀錫婚 老公豪送近4萬靚酒被逼假笑留影：希望頂到多20年
帖文一夜狂吸1.5k次讚好
這則帖文在昨晚刊出後，一夜間狂吸1.5k次讚好，至截稿前獲得43次轉發，138則留言回應，現時已於網上瘋傳。樓主更留言區tag該家日資公司，並說：「逼人做問卷交功課無意思，個問卷仲要記名，出嚟睇吓真實回應啦。」不少網民都留言支持該名發帖網民，有人留言說：「員工唔可以愛回家，得佢老婆可以愛回家…」、「training無錢去勞工處啦」、「你個post幫到好多求職者避雷」，更有網民留言tag滕麗名說：「我諗佢老公唔會玩threads，姐係佢唔會睇到，所以你要@sheepyjoycetang俾佢哋正視吓呢個問題，To滕麗名：我知道老公嘅公司問題應該都唔關老婆事，不過可以嘅話唔該俾你老公睇睇佢做嘅＂德政＂嘅真正回應。」
相關閱讀：滕麗名激罕放閃！揸保時捷送老公機「不顧一切」 車上一物揭是名牌愛好者
滕麗名感情生活：
滕麗名：冇人辭職喎
據了解，滕麗名老公朱建崑任職於日資公司擔任香港總監，事件由昨晚在網上瘋傳起來，直至今晚（3日）有傳媒就此事向滕麗名查詢，她隨後代老公朱建崑回應，表示自己身在內地，但已向老公了解事件始末。她引述朱建崑的說法，指出相關培訓於昨晚（2日）進行，並表示自己很關心同事的心情和感受。滕麗名在回應中特別提到：「我問朱生今日有冇人辭職？但今日又冇人辭職喎！」
滕麗名指老公「七點幾」收工過節
滕麗名同時透露，老公朱建崑昨晚完成培訓後，仍能趕及與家人提早共度中秋節。她表示：「尋晚朱生同佢哋一齊做完training，跟住就同屋企人做節。怪唔之得成『七點幾』先嚟到，好彩仲趕得切睇《愛‧回家》。」但未有透露朱建崑的下屬是否與上司同時間下班。
爆料網民再發文斥滕麗名夫婦說謊
不過滕麗名剛回覆完傳媒，爆料網民再度發文斥滕麗名夫婦說謊，他在threads公開聲稱是公司的內部電郵，表示：「講大話唔眨眼，公開埋公司發出既電郵。朝早8：30返到夜晚20：00。講明compulsory無得早走。朱生發表完佢既偉論已經19：00幾，其他人仲未走得，佢坐火箭去食飯？仲要人繼續留係度自己就早走去食飯？」再度引發網民熱議。
