薛家燕、廖碧兒、朱千雪今日（19日）以大使身分到山頂出席慈善步行籌款活動「乳健同行2025」，何超瓊、行政長官李家超的太太李林麗嬋等則是活動主禮嘉賓，現場亦宣布最年輕籌款者是何超盈女兒Audrey Rose Ho Xin。
「自摸」始祖
已參與活動18年的廖碧兒指自己很開心見到活動越來越多人支持，又表示自己是「自摸」始祖，第一年時跟家燕姐與吳君如一起在海邊拍「自摸」檢查片，笑指當時中文不好，所以拍了很久，又謂現在患乳癌年輕化，可能因壓力大和飲食關係，所以也希望大家有空可平靜下來，欣賞多些香港靚的地方舒緩情緒。
回加國慶祝爸媽結婚周年
廖碧兒透露早前回加拿大慶祝爸爸媽媽結婚50周年，在當地見到秦沛與苗僑偉，笑言在香港反而沒機會見面，而現時父母亦在香港，但自己稍後就會到泰國出席活動，又表示今年開始重返幕前，早前才拍完一部外國片。生意方面，她除了紅酒生意外最近也有做罐裝咖啡生意，問到是否想跟陳豪爭生意？她即說：「冇！完全唔關事，我呢個唔係普通咖啡，唔係熱，我唔係賣（咖啡）豆。（會唔會放佢舖頭賣？）我可以擺喺好多唔同嘅地方！」
想要成熟男人
提到廖碧兒前男友盧啟賢（Calvin）早前向張玉珊求婚成功，廖碧兒表示剛從日本返港，所以不知道：「都恭喜啦，當然恭喜啦，我會戥任何有愛情嘅人開心，今年得到愛情係正！（今年）好多人結婚！」至於問到她的感情事，廖碧兒指應該是別人來追她，而不是自己去追求，問到是否有追求者？她說：「冇人追係唔正常，女仔係需要人追先至靚！」她表示有開心的事就會公開，又指自己慢熱：「大家話我之前選擇得好錯，我要多啲人嘅意見係咪？（有咩要求？）要成熟過我，我係一個小朋友，我唔係貪玩，但我鍾意玩。」問到是否接受閃婚？廖碧兒即說：「得，我OK，我梗係想啦，邊個唔想有身邊嘅人！」
