陌生人送上的暖意往往最叫人動容。屯門一名熱心青年在街頭，自發送一名腳痛的陌生大叔回家，便用的方法更是超暖心。大叔的女兒事後在網上尋人，希望表達感激之情。網民也大受這個故事感動，「睇到流眼淚」，感慨助人的青年是「難得嘅香港男仔」。詳情見下圖及下文：
屯門青年送陌生腳痛大叔回家 方法超暖心 女兒網上尋人大感謝逐張睇↓↓↓↓
樓主講述事件詳情
樓主前日（23日）在社交平台Threads以「尋人」為題發帖講述事件詳情，答謝一名青年熱心幫助她腳痛的父親回家——
「今日（23日）我爸爸去咗屯門湖康診所度睇醫生，睇完返屋企嗰陣因為佢腳痛所以係慢慢一步一步咁拖住隻腳行的。然後依個時候就有名年輕男士同我爸爸講可以孭住佢行，跟住佢真係孭住我爸爸送到去屋企樓下！」。
樓主續指「嗰陣我爸爸諗住俾$100感謝的但被拒收了。如果個男仔睇到依篇文我想講，真係十分十分之感激你，如果唔係我爸爸應該要自己一個喺咁凍嘅天氣下慢慢行半個鐘甚至45分鐘先返到屋企」。
樓主及後在回應欄有禮地多謝網民的祝福，指「感謝大家對我爸爸嘅祝福。（其）實香港仲有好多熱心人！大家都可以主動大膽地去幫助有需要人士呀～」。
相關閱讀：暖心男「華麗轉身」幫阿婆推車仔 後續再做一事 網民大大力畀Like
網民：好難得嘅香港男仔
看過留主敘述的故事，不少網民都大讚當中的熱心小伙子——
•估唔到香港仍有這麼好的人
•鼻子一酸，但個心很暖，好難得嘅香港男仔；
•推，希望可以搵到呢位男士！我哋呢度好多人都想祝福佢啊！
•真係好有愛，我諗佢扶住你爸爸回家，孭住真係少有！好人一生平安；
•睇到流眼淚，祝福世伯早日康復，另那位年輕男子，衷心祝佢一世平安；
•咁好嘅男仔百年難得一遇，如果我係樓主就即刻抄佢牌，原地嫁俾佢（唔使諗）；
•嘩！睇到都想喊太感動，你爸爸真有福，呢位男士真有心有力，多謝你分享；
•希望個男仔睇到你嘅感謝post（帖文），俾動力佢繼續行善，亦都令大家覺得人間有愛；
•好勁，真係有心都未必有力背到百幾磅個叔叔，真心respect（尊重）!!!!真係上天派落嚟的天使。
相關閱讀：冒黃雨推輪椅乘客落巴士 「柔情車長」一句話融化港女 網民：見過佢細心關顧推BB車媽媽
網民：睇頭3行以為騙案
有網民則細心分析，指「孭一個陌生成年人，仲要送佢返屋企樓下，真係有心有力先至做得到… 我就算有心都無力，嗰個男仔真係好溫暖，你爸爸又好幸運。始終今時今日想幫人／求助都唔易，怕尷尬、驚詐騙，etc（等等）」。
於是有網民也不好意思地坦言，「睇頭3行以為騙案」、「開頭睇以為係騙案！香港實在太多負面新聞！估唔到仲有咁熱心助人嘅事！」。
另有網民分享同類的好人好事故事：
•好多年前，媽咪手術後康復同佢食完飯過馬路，我扶住佢慢慢行，然後有位年輕人急急走來扶住媽咪另一邊，過完馬路我同媽媽都大聲多謝佢！香港人好有愛心。#扶阿婆過馬路；
•記得我兒子10歲在家門玩時（我不在家去上班了）見到隔壁婆婆不舒服去看醫生，他自己扶著婆婆去屋邨馬路邊等他兒子來接她，回來兒子告訴我婆婆的兒子還對他90度彎腰謝謝他，雖然好小事，舉手之勞，但對我印象深刻，一個懂得關心，一個懂得感恩（我是隔壁婆婆之後告訴我這件事，我問兒子才知道，他扶過婆婆）。
資料來源：stwa_5＠Threads
相關閱讀：將軍澳好心街坊接力代抱腳痛男孩 坐月港媽發文感謝 網民因一事眼濕濕↓↓↓↓
伸出援手，遞出樸實的善意往往小事意義大。將軍澳兩位街坊，日前主動接力抱起因甩掉腳甲痛極無法走路的男童，給才分娩兩星期的坐月媽媽幫上大忙。好人好事在網上流傳，一個接一個，傳遞的是暑天午後的暖心小故事，也是一個叫人熱淚盈眶的堅實信念：我今日幫你，他朝有一日人哋都會幫返我個孫↓↓↓↓
