餐飲業競爭激烈， 不少餐廳都推出優惠吸引食客，當中又以平價的任食放題最為受歡迎。不過，最近有港人在社交平台發文，表示早前光顧尖沙咀一間餐廳的$68海鮮放題，認為價錢抵食，但現場情況頗混亂，直擊場內食客瘋狂搶菜，店員甫拿出剛煮好的龍躉及炒蟹瞬即被「秒殺」，「五秒路程都冇就已經清空」，被不少網民形容場面如「難民營搶飯」，即看詳情！
尖沙咀$68平價放題掀搶食亂象！食客狂掃龍躉/炒蟹「一次夾十幾嚿」
早前有尖沙咀火鍋店推出$68午市海鮮放題，菜式涵蓋海鮮、肉類及素菜，如豉油王海中蝦、薑蔥炒蟹、蠔皇薯仔雞中翼、芹菜椒絲炒嫩牛、金銀蒜香骨、芙蓉炒蛋等，迎合不同食客的口味，甫推出就吸引不少食客前往嘗鮮。不過，最近有網民在社交平台分享到該店光顧$68午市海鮮放題的用餐經歷，認為價錢雖然抵食，但現場安排混亂，餐廳方面需要為此作出改善。
事主指當日進店後先取飲品，然後隨即看到兩位女士於取餐區排隊，「咁我有跟住佢哋排隊啦」，等候兩至三分鐘後有店員取出一盤炒龍躉，而排第一位的女士隨即「夾咗十幾嚿」，隨後的女士隨即表示「你不如成盤攞曬去啦」，最後第二位女士將剩餘的最後兩件炒龍躉取走，事主無奈表示「咁咪有食下第二樣啦蒸水蛋呀雞腳咁囉」。之後店員再取出一盤炒蟹，惟當事主打算走出去取餐時，「五秒路程都冇就已經清空」，加上由於用餐時間為一小時，直言「等下（吓）等下（吓）一個鐘頭就過去。」
網民無奈嘆：好似難民營
帖文公開後引起網民熱議，有人批評部分食客的行為自私，「其實係人的質素問題，一次攞好多，怕執輸心態」、「其實都唔關幾多錢事，嗰一晚有幾件呢啲就頭都痕，就算著到身光頸靚一句話我幫屋企人攞埋，咁就乜嘢都係攞八人份」；有人則形容現場如「難民營搶飯」，而主打平價的放題用餐體驗及服務亦是「一分錢一分貨」，「食得$68真係要預左搶，寧願比貴啲舒服啲」、「要去搶食，不如唔食，或者比多些錢去食舒暢自助餐。」
來源：香港茶餐廳及美食關注組@Facebook
文：LW
