周吉佩（吉吉）今日（26日）出席港台節目《港樂·講樂》錄影，吉吉除了唱歌及與吉士粉（粉絲暱稱）玩遊戲外，也有分享追夢過程。吉吉受訪時指其中一個夢想是跳傘，不過就不敢試，笑言可能要拍節目被迫下才做，又或是等到死前才會去試，他表示人大了很多事情也不夠膽做，可能是因有家庭關係，知道自己不能出意外。
12月到佛山開騷
吉吉將於12月到佛山開騷，現正揀歌中，因為今次想帶多些港樂去當地：「我知道嗰邊都好鍾意聽廣東話歌，所以我特登設計咗一兩part，全部都係我哋80後最鍾意聽嘅廣東歌，嚟緊我都會去拍嘢先，去探吓路、食嘢。」至於是否要keep身材？他笑言因每次只會食一點點，相比有「食物黑洞」之稱的張與辰，自己是OK的。吉吉指稍後將會再推出新歌，今次是一首K歌式情歌，問到拍MV是否找老婆做女主角？他即笑說：「梗係唔會啦，其實好難請佢，同埋都唔好啦，仲見唔夠咩！試吓第二啲好！」
可嵐曾糾結報名《中年好聲音4》
提到《中年好聲音4》，吉吉指還未留意，但已聽聞今年參加者很強，又謂因入圍的可嵐與陳逸璇以前是歌手，所以也認識，而可嵐更是與他同期出道的歌手，對方事前也有傳訊息給自己問意見：「都係問吓揀咩歌，佢初頭都好糾結報唔報名，我同佢講why not? 又咁唱得，應該試吓，佢上年都有嚟，今年就真係恭喜佢可以入到！」
