現年58歲的姜皓文（黑交），於亞視出身，亦替TVB拍過不少劇集，曾憑《鐵探》及《刑偵日記》挑戰視帝。2018年，姜皓文憑電影《拆彈專家》中的精彩演出，勇奪香港電影金像獎最佳男配角。姜皓文雖然外表粗獷，但卻是名副其實的寵妻魔人，雙方結婚多年，姜皓文曾購入5千呎豪宅送予太太殷寧。殷寧近日更新社交網，大爆因為老公想送她驚喜為她偷偷慶祝生日，幾乎意外「赤裸人前」，姜皓文更於過程中大叫「我老婆冇着衫」！
姜皓文老婆幾乎被朋友一窺全豹？
殷寧近日於小紅書放閃，指姜皓文想為她製造驚喜慶祝生日。殷寧日前夜晚回家，返到屋企就自然地脫掉衣服，並坐在廳中刷手機。突然姜皓文就好緊張，叫殷寧快啲着番衫，因為二人的朋友已經即將到達！
相關閱讀：姜皓文任袁偉豪內地巡唱嘉賓 音樂上首次合作大呼過癮 讚Ben係暖男好體貼
姜皓文製造驚喜老婆幾乎「赤裸人前」
殷寧表示聽到姜皓文打電話跟朋友說：「我老婆冇着衫呀，你哋唔好上嚟住呀」，殷寧入房穿回衣服後，一班朋友已經到齊並且已「笑到肚痛」，姜皓文就向朋友說：「頭先我老婆冇着衫坐咗喺廳，想叫佢着番衫都唔知點講，頭先見佢換衫，幾驚佢走去沖涼，好緊張呀」，姜皓文和太太結婚多年，仍會為對方製造驚喜，亦深怕朋友「睇蝕」其妻，可見兩夫婦十分甜蜜。殷寧就於片中解釋，指自己其實是有着衫，只是「着得少啲之嘛」，當時她是有穿內衣。並指今年生日令她十分難忘。
相關閱讀：姜皓文孖太太雙劍合壁炮製賀歲片 甜言冧爆：佢值190分
