現年67歲的廖偉雄（阿燦），曾經是TVB的「搞笑至尊」，於《歡樂今宵》跟盧海鵬同屬頂級搞笑能手，之後《笑星救地球》的「乜太」，更加令人印象難忘。在90年代淡出幕前之後，廖偉雄轉行從商並曾經破產，不過阿燦有打不死的精神，發展有機農業有聲有色，於內地開「燦神龍場」之外，還種植「亞燦米」。但近日廖偉雄拍片大嘆「福無重至、禍不單行」，經歷超強颱風和山洪暴發後，令「亞燦米田」和「燦神龍場」遭到毀滅式損壞，坦言「乜都冇晒」損失慘重。
廖偉雄神情凝重：乜都冇晒
日前廖偉雄拍片放上自家YouTube頻道，身穿深藍色短袖恤衫的他神情凝重，一雙眼袋又大又黑，頭髮亦以比之前更加稀疏，顯得憂心忡忡，他頹然道：「相信大家都聽過，咩叫福無重至、禍不單行」，他表示今年6月，有超強颱風席捲內地廣東省羅定市，令到當地暴雨成災，他表示「搞到成個阿燦米田都變成水塘」，直言「點搞呀，乜都冇晒喇」。
相關閱讀：「阿燦」廖偉雄死過翻生？稱因一事隨時要坐輪椅 慶幸得到高人指點：中風唔係可怕事
廖偉雄「燦神龍場」遇山洪暴發
但更「攞命」的是，於個多月後「燦神龍場」就遇上山洪暴發，從廖偉雄拍得的片段，如瀑布般的洪水不斷衝落「燦神龍場」，造成極嚴重破壞，阿燦拍下其農場一片頹垣敗瓦，連入面的整條橋也沖爛了，花園亦完全變成水塘：「遇上山泥傾瀉，真係攞命」。
廖偉雄感天無絕人之路
不過性格樂觀的廖偉雄之後就表示「天無絕人之路」，原來因為這場暴雨，將阿燦的大片禾田浸了14小時，將當中的害蟲稻飛虱全部趕走。廖偉雄解釋，因為今年稻飛虱問題特別嚴重，而其有機農作物又不能噴農藥，故此早已預算會有5成損失，但因為稻飛虱已全部飛走，故此損失減至2成。阿燦之後表示：「呢個世界有得就有失，大家唔好因為一啲事去煩惱，只要面對問題，將佢解決，咁就有美好嘅明天」。
廖偉雄棄影從商身家過億
雖然廖偉雄收到不少邀約希望他再度拍戲，但他始終醉心從商，現時他經營有機農業生意，更推出有機香米，近年更種榴槤，生意做得有聲有色，有指他身家已過億元。早前他移居大馬，並於當地打造1.5萬呎、4層高的綜合性飲食娛樂基地，吸金力越來越強。但阿燦的健康卻屢現問題，去年11月底，他發現左下顎僵硬兼痲痺，其後自爆左腳中風、右腳痛風，幸好最後睇中醫，接受推拿和針灸等才慢慢好轉。
相關閱讀：廖偉雄以「執笠」形容香港電影業 黃一山報答恩師黎文卓返港演舞台劇
