趙顯臻於全運會決賽得第5名無緣獎牌，他指前一天任持旗手不但沒有影響表現，反而有幫助。完成全運後只餘下星期沙灘挑戰賽便結束2025年，總結今年成績阿臻給自己8分。
趙顯臻於男子輕量級單人雙槳得第5。星島資料圖
趙顯臻滿意發揮。電視截圖
趙顯臻全力衝擊獎牌。資料圖片
香港體育記者協會最佳運動員選舉，十佳運動員賽艇趙顯臻。
阿臻接受本報記者訪問時指出，任持旗手反而助助比賽，他解釋：「能夠代表香港做持旗手感到振奮和光榮，粵港澳三隊一齊出，我地夾咗點搖旗好睇D，整睇做得幾好，風好大吹得旗好靚，好開心做得幾好。之後都有睇晒開幕禮，無影響今日比賽表現，今朝起身和做熱身表現好好，可能係做完持旗手後亢奮程度帶到今日比賽，我覺得都有幫助。」
總結2025年的成績，他表示：「2025中規中舉，8分啦。大部份比賽入到獎牌賽，攞唔少獎，世界盃、亞洲錦標賽攞到獎，全運會咁高水平比賽入到決賽都好唔錯，留番2分比自己慢慢進步吓。」
展望亞運會他說：「黎緊集中輕量級賽事，亞運都有輕量級。一直都講全運會高水平大型運動會，有好多運動員講全運比奧運更難，經過今次準備全運，我地有充份信心準備好亞運會。」
