堪輿學家麥玲玲一向勁多瓣數，除了老本行睇風水外，近年殺入娛樂圈，參與不少綜藝節目及劇集，甚至又投資做生意兼買磚頭，撈得風生水起身家豐厚。在2023年曾傳出麥玲玲在內地睇風水期間遭綁架，需交出500萬贖金後才重獲自由，竟與老公「拒交贖金」有關，但事後麥玲玲笑稱只不過是流料一則。
麥玲玲在1994年與任職工程師的老公何德結婚超過30年，但二人未有生育，麥玲玲直言「淆底」：「因為我見得太多，有時係父母唔生性，又或者係小朋友唔生性，養兒100歲，長憂99，係正常嘅，變咗要承擔嘅嘢多咗，所以不如算喇。」麥玲玲又坦言因丈夫是個極度細心的人，於是決定身家交由老公打理，可惜丈夫在生活細節，實在令她大為頭痛。
相關閱讀：麥玲玲內地講風水被埋身撫摸玉背！被爆出場費高達呢個價 曾傳遭綁架索500萬贖金
麥玲玲曾被批婚姻係一定唔得
麥玲玲師傅早前為人稱「Son姐」張慧敏的YouTube頻道的《與Son對話》擔任嘉賓，在節目上，麥玲玲剖白與老公多年來的關係，麥玲玲說：「我都唔怕話畀大家知，當日我去算命，10個師傅都批我嘅婚姻係一定唔得，必定離婚差到爆，咁我咪諗不如搵一啲容易管理嘅人，拍拖咁耐都知男人行轉背又係另一樣嘢，你搵一啲好穩定嘅，穩定到根本唔會自己出去玩，我個人又鍾意人哋有交帶，我老公開會之前都會打電話畀我，佢仲成日三更半夜打返公司留言，提自己要做啲嘢。」正因為老公有「超級交帶」，麥玲玲將身家都交由丈夫打理，Son姐問道：「咁佢走咗路你咪咩都冇？」麥玲玲哈哈地說：「佢管啫，郁唔到㗎嘛！佢會睇住盤數，但啲錢郁唔到㗎嘛！好似方太煮餸咁，有得睇冇得食，咁我又待佢不薄，因為佢真係一個好仔細嘅人，係一個『表叔』，所有嘢都會用表去表達！我所有無論稅務、公司嘅嘢，連銀行啲人都讚嘆，話冇見過啲文件係可以咁齊，呢個位係無懈可擊！」
麥玲玲因屋苑大維修而入市
麥玲玲認為女人很容易因為老公「失蹤」而情緒有波動：「男人最聰明就係自己報導先，報到完之後其實冇人理你。」不過老公事業能力超強，但生活上令人頭痛，麥玲玲笑稱連節瓜和青瓜都分不清楚：「好似我叫佢幫拎紅色衫落車，但係佢可以拎走紅色衫，將其他衫擺落車，我咪同啲同事係咁鬧，所有屋企嘢都係咁，佢係個冇常識嘅人。」雖然如此，麥玲玲發覺夫妻二人不要只是夫妻，就算是朋友、老闆、上司下屬，我們都要學習，欣賞對方的長處。麥玲玲今年再擲2,080萬元買北角老牌豪宅賽西湖大廈買樓，她說：「我自己覺得租金升咗，主要是因為本人住嘅屋苑大維修，我又驚，因為一大維修同拆一啲嘢，就會好嘈，於是我喺尾位買咗個細細哋嘅單位，我老公都話我誇張，人哋維修你就買多一層樓，我話到時外面又嘈、又搭棚、又有煞氣，倒不如買個細細哋嘅單位，進可攻，退可守，有乜嘢事唔要咪買返出去，或者租畀人，我同政府一樣，有超前部署。」
相關閱讀：麥玲玲驚傳內地工作遭綁架 竟與老公「拒交贖金」有關？薛家燕大感驚訝
