《東張西望》主持俞可程（Kanis）現年27歲，曾參選2024年香港小姐，現時是《東張西望》主持之一，成為東張女神之一。早前俞可程透露自己遇上恐怖車禍，不幸在左臂留下巨大傷疤。近日俞可程又再度遇上不幸事件，今次更牽涉到視力問題，認真慘情。
俞可程術後雙眼刺痛狂飆眼水
近日俞可程在IG發文表示又要分享自己的連環不幸事件，她指自己向來有極深近視，右眼900度，左眼則有825度，由於她的工作時間不定時，因此她平日要長時間帶隱形眼鏡，眼睛極大負擔，於是便於本周一接受激光矯視（LASIK）手術，不過就在她接受手術後便發現出問題。
俞可程說：「係（喺）我做完lasik當日返到屋企唔知點解隻眼一直好痛同標（飆）眼水，但醫生話係會有d吉吉地，我當初都以為正常，醫生話第二日起身應該會睇到清楚好多，但第二日起身之後我依然睇得好模糊，返去複（覆）診發現我兩隻眼既（嘅）眼角膜皺摺埋一齊(出現呢個情況應該好少，我都算‘幸運’）所以睇野（嘢）好矇（模）糊，當日要立即進行第二次手術去重鋪角膜瓣。」
相關閱讀：俞可程內褲上陣晒蜜大腿兼露股隙 27歲落選港姐成《東張西望》主持 又瞓又趴成新一代「最強body」
俞可程第二次手術後「郁都唔敢郁」
俞可程指，知道要進行第二次手術重鋪角膜瓣後非常擔心，她說：「好驚重鋪後又再皺褶多次，長遠會影響視力，當日全日唔敢擘大隻眼，郁都唔敢郁，幸好經過左幾日最後都冇事，依家隻眼都睇得清楚返啦，期待唔使帶眼鏡嘅日子，以後都要提醒自己好好保護雙眼。」俞可程表示自己近日經歷不少意外和不幸，直言：「人生總有高低起跌，其實所有既不幸都解決到，亦都係會過去，而我深信逆境係會令我成長令我更強大，保持正面，其實都無咩大不了啫，最重要係健康開心，如果健康有問題就係會成為你人生唯一嘅問題！我知道所有好嘅事is coming hehehehe。」
相關閱讀：「東張女神」俞可程遇恐怖車禍險喪命 更多細節曝光左臂血肉模糊 座駕損毀嚴重
俞可程上月遇車禍連環不幸
俞可程上月中時曾表示自己遇上恐怖車禍，當時她更直言「以為自己真係會死」。俞可程當時於IG表示，當日她駕車時遇上座駕跣呔，幸好有驚無險未造成致命損傷：「8號風球下，朝早揸車返工，去到龍翔道入彎跣呔架車突然失控，撞上石壆，係無超速下衝力都好大，一撞上去全部airbags彈曬出黎，車外車內都出晒煙，經過嘅車都叫我即刻落車，驚架車着火。撞咗車嘅一刻唔係好知發生咩事，個頭有啲暈耳仔有啲wing，但係都係清醒，即刻攞電話報警，過程中好多車都停低幫手，多謝晒佢哋。」不過事後她的左臂留下巨大傷疤。
